סאלמו זPsalms 7 in Ladino1 שׁגיון, די דויד ,קי קאנטו אה ה׳ פור לאס פאלאבﬞראס די כושﬞ בﬞארון די בנימין׃ 2 ה׳ מי דייו ,אין טי מי אבריגו .סאלבﬞאמי די טודﬞוס מיס פירסיגידﬞוריס אי איסקאפאמי׃ 3 נון סיאה קי אריבﬞאטין קומו ליאון מי אלמה דיספידﬞאסאנדו ,אי נון אבﬞרה קיין מי איסקאפי׃ 4 ה׳ מי דייו! סי ייו איזי איסטו .סי איי טורטורה אין מיס מאנוס׃ 5 סי ייו גואלארדוני מאל אה מי אפאזיגואדﬞו .או איספוזﬞי אה איל קי מי אנגוסטייו סין קאבﬞזה׃ 6 פירסיגה איל אינימיגו מי אלמה אי לה אלקאנסי ,אי ריאוליי אה לה טיירה מי בﬞידﬞה ,אי אגה מודאר מי אונרה אין איל פולבו .סלה׃ 7 אליבﬞאנטאטי ה׳ אין טו פﬞונור. אינשﬞאלשﬞאטי קונטרה לה סאנייה די מיס אנגוסטייאדﬞוריס .אי דיספיירטאטי פור מי. טו אינקומינדאסטי גﬞואיסייו׃ 8 אי לה קומפאנייה די לוס גﬞינטיאוס טי רודﬞיארה .אי םובﬞרי אילייה טורנה אה לה אלטורה׃ 9 ה׳ גﬞוזגה לוס פואיבﬞלוס .גﬞוזגאמי ה׳, סינון מי גﬞוסטידﬞאדﬞ אי סיגון מי פריניזמידﬞאדﬞ סובﬞרי מי׃ 10 סי אקאבﬞי אגורה לה מאליסייה די לוס מאלוס .אי קי טו קומפונגאס אל גﬞוסטו .אי טו איריס פריבﬞאדﬞור די קוראסוניס אי רינייוניס .דייו גﬞוסטו׃ 11 מי איסקודﬞו איסטה קון איל דייו איל סאלבﬞאדﬞור די לוס דיריגﬞוס די קוראסון׃ 12 איל דייו איס גﬞואיז גﬞוסטו .אי איל דייו איסטה אינסאנייאדﬞו קאדﬞה דיאה׃ 13 סי נון טורנארי איל מאלו ,סו איספאדﬞה איסמולו .סו ארקו ארמו אי לו קומפוזו׃ 14 אי ייא אפאריזﬞו סובﬞרי איל ארמאס די מואירטי .סוס פﬞליגﬞאס איזו ארדיינטיס׃ 15 איק איל מאלו סי אדﬞולורייה קון טורטורה. אי סי אינסינטו לי לאזירייה ,אי פארייו פﬞאלסידﬞאדﬞ׃ 16 טאזﬞו און פוזו אי קאבﬞולו .אי קאייו אין לה פﬞואיסה קי איזו׃ 17 סו לאזירייה טורנארה אה סו קאבﬞיסה .אי סובﬞרי סו קאשﬞקו סו אדﬞולמי דיסנידירה׃ 18 ייו לוארי אה ה׳ סיגון סו גﬞוסטידﬞאדﬞ .אי סאלמיארי אל נומברי די ה׳ אלטיסימו׃Help us complete our transcription and proofreading of a 19th century Ladino translation of Psalms:https://he.wikisource.org/wiki/מפתח:Tehilim,_o_los_Salmos,_trezladados_del_leshon_ha-ḳodesh_en_la_lingua_Sefaradit.pdfMore information including transcription help: http://opensiddur.org/tools/transcribe/